الناس بتأجّل دكتور الأسنان من الخوف ومن السعر. فبنينا المحتوى على حاجتين: سعر واضح من أول نظرة، وسلسلة بتشرح كل خدمة ببساطة — ومعاها حملة افتتاح تعرّف المنطقة بالعيادة.

كحلي مع أخضر فسفوري ثابت في كل تصميم، وشخصية سن كرتونية بقت علامة مميزة لسلسلة الخدمات، فالبوست يتعرف إنه Oralix قبل ما تقرا الاسم.

في محافظة، الثقة هي اللي بتحرّك الحجز. فركزنا على عروض بأسعار محددة، وحالات قبل وبعد حقيقية كدليل على الشغل، ومحتوى مربوط بمواسم الناس زي العودة للمدارس.

أخضر غامق مع ذهبي عشان إحساس العيادة البريميوم، وصور طبيعية للدكاترة والمرضى بنفس الإضاءة في كل البوستات.

مريض العمود الفقري بيدوّر على إجابة قبل ما يدوّر على دكتور. فالمحتوى توعوي: كل بوست بيشرح حالة (انزلاق غضروفي، ضيق القناة، انحناء) بعنوان قريب من الكلام اللي المريض بيقوله، وبعدها الحجز.

بنفسجي ثابت على كل المنصات، وصور واقعية عليها علامة حمرا على مكان الألم، عشان الرسالة توصل من أول نظرة حتى من غير قراية.

موضوعات حساسة زي تأخر الحمل والحقن المجهري محتاجة نبرة مختلفة. اخترنا كلام دافي ومطمّن، ومحتوى بيجاوب على الأسئلة اللي الناس بتتكسف تسألها.

وردي وبنفسجي هاديين، وصور عائلات وأمهات بدل الصور الطبية الجامدة، ولوجو الأم والطفل ظاهر في كل تصميم.

مطعم جديد محتاج الناس تستناه قبل ما يفتح. بدأنا بحملة تشويق (Coming Soon)، وبعدها يوم الافتتاح، وبعدها محتوى للأكل والتوصيل وآراء الزباين — كل مرحلة ليها هدف.

هوية كاملة: لوجو التاج والنار، أحمر وأسود، Highlights ولينك واحد لكل المنصات، ونفس الشكل على المنيو والمطبوعات والبيلبورد. ومعاها جلسات تصوير أكل احترافية.

خطة تسويق ومحتوى شهرية مربوطة بمواسم الدراسة والامتحانات، ونظام محتوى متنوع: تعليمي، ترفيهي، كواليس، وفيديوهات ترويجية — والهدف اشتراكات وحجوزات أكتر في كل موسم.

شخصية المدرس هي البطل في كل تصميم، بألوان قوية وأسلوب سينمائي ثابت، عشان الطالب يميّزه في الفيد من أول ثانية.

المدرس هو البراند. فبنينا محتوى قريب من الطلبة، ومواعيد وأماكن السناتر بشكل واضح، ورسايل الطلبة الحقيقية بعد الامتحانات كدليل بيقنع الطالب الجديد.

شخصية ثابتة للمدرس في كل تصميم، بأسلوب سينمائي وألوان قوية، وغلاف يوتيوب بنفس الشكل.

بدأنا بالسؤال: الجيم ده مختلف في إيه؟ الإجابة كانت الجو العائلي والتفاعل مع الأعضاء. فبنينا المحتوى عليه: تحديات وفيديوهات بتشجّع الأعضاء يشاركوا، وعرض أوضح لخدمات الرجالي والحريمي.

أزرق نيون على أسود بنفس الإضاءة في كل التصميمات، ولمسة خفيفة من الكوميكس والشخصيات اللي بتخلّي البوست يتشير.

أعدنا بناء استراتيجية البراند عشان تعكس شخصيته الحقيقية: صاحب المحل وخبرته في الأقمشة. فيديوهات بيتكلم فيها بنفسه، وتصميمات للكولكشنات والعروض والمواسم.

هوية بصرية جديدة باللوجو الكحلي والأزرق، وتصميمات بتعرض القماش نفسه بزووم على الخامة والسعر واضح.

في التشطيبات العميل خايف من الغلط ومن التكلفة. فالمحتوى تعليمي: مراحل التشطيب، الأخطاء الشائعة، وإزاي تستلم شقتك — عشان الشركة تبان خبيرة قبل ما تبيع.

أخضر رمادي هادي مع أبيض، وصور فراغات نضيفة ومهندسين في الموقع، عشان إحساس الفخامة والهدوء.

نفس الفكرة بشخصية مختلفة: بوستات بتحذّر من التفاصيل الصغيرة اللي بتكسر الشغل كله، وبتشرح ليه الخامة الصح بتعيش سنين — وفي الآخر رسالة البراند: الجودة والسعر والراحة في مكان واحد.

برتقالي دافي مع صور العمال بالخوذة والسترة، وأرقام كبيرة بتشد العين في الفيد.